Аляксандар Лукашэнка паведаміў пра затрыманьне супрацоўніка спэцслужбаў, які працаваў на замежныя дзяржавы.
Заява Лукашэнкі прагучала падчас наведваньня ім менскага аквапарку.
«Мы нядаўна затрымалі аднаго з здраднікаў, які служыў у спэцслужбах і які праз прадстаўнікоў каталіцкага касьцёлу быў зьвязаны з замежнымі дзяржавамі», — адзначыў Лукашэнка журналістам у пятніцу ў Менску.
Гэты супрацоўнік спэцслужбаў, удакладніў Лукашэнка, «ня толькі здаваў інфармацыю, але з-за яго дзейнасьці пацярпелі людзі, якія працуюць за мяжой... Гэта здрада? Вядома, гэта здрада, — цытуе Лукашэнку Інтэрфакс. — А чаму з амэрыканскага пункту гледжаньня Сноўдэна нельга абвінаваціць як здрадніка? Таму тут не павінна быць дваістых стандартаў».
Сваю пазыцыю Лукашэнка патлумачыў тым, што Амэрыка прытуліла сотні расейскіх здраднікаў:
«Колькім людзям там далі прытулак, колькі забралі адсюль сакрэтаў, колькі тэрарыстаў, якіх Расея патрабуе выдаць, у сябе прытулілі і не выдаюць. Што ж вы Пуціну прад’яўляеце прэтэнзіі, што ён сябе нібыта няправільна паводзіць? Правільна паводзіць. Даўно трэба было даць палітычны прытулак. Тады б вы ведалі, што сьвет глябальны, узаемазалежны, і калі тэрарыст у Расеі, то заўтра ён нешта ўчыніць у Амэрыцы. Нядаўна факты такія былі. Таму на месцы расейскага кіраўніцтва я б дзейнічаў больш рашуча ў гэтым пляне, і гэта было б апраўдана», — цытуе Лукашэнку БелТА.
Заява Лукашэнкі прагучала падчас наведваньня ім менскага аквапарку.
«Мы нядаўна затрымалі аднаго з здраднікаў, які служыў у спэцслужбах і які праз прадстаўнікоў каталіцкага касьцёлу быў зьвязаны з замежнымі дзяржавамі», — адзначыў Лукашэнка журналістам у пятніцу ў Менску.
Гэты супрацоўнік спэцслужбаў, удакладніў Лукашэнка, «ня толькі здаваў інфармацыю, але з-за яго дзейнасьці пацярпелі людзі, якія працуюць за мяжой... Гэта здрада? Вядома, гэта здрада, — цытуе Лукашэнку Інтэрфакс. — А чаму з амэрыканскага пункту гледжаньня Сноўдэна нельга абвінаваціць як здрадніка? Таму тут не павінна быць дваістых стандартаў».
Сваю пазыцыю Лукашэнка патлумачыў тым, што Амэрыка прытуліла сотні расейскіх здраднікаў:
«Колькім людзям там далі прытулак, колькі забралі адсюль сакрэтаў, колькі тэрарыстаў, якіх Расея патрабуе выдаць, у сябе прытулілі і не выдаюць. Што ж вы Пуціну прад’яўляеце прэтэнзіі, што ён сябе нібыта няправільна паводзіць? Правільна паводзіць. Даўно трэба было даць палітычны прытулак. Тады б вы ведалі, што сьвет глябальны, узаемазалежны, і калі тэрарыст у Расеі, то заўтра ён нешта ўчыніць у Амэрыцы. Нядаўна факты такія былі. Таму на месцы расейскага кіраўніцтва я б дзейнічаў больш рашуча ў гэтым пляне, і гэта было б апраўдана», — цытуе Лукашэнку БелТА.
