Ужо сёньня: Дзень народзінаў Янкі Маўра

Дата дня

141 год таму, ​10 траўня 1883 году, нарадзіўся Янка Маўр, беларускі пісьменьнік, аўтар апавяданьняў, аповесьцяў і раманаў для дзяцей і моладзі. Сярод твораў Янкі Маўра — «У краіне райскай птушкі», «Сын вады» і «Палескія рабінзоны».

Таксама ў гэты дзень

1706 — Паўночная вайна: швэдзкае войска на чале з Карлам XII увайшло ў Нясьвіж.

1892 — адкрылася Менская конка, грамадзкі транспарт Менску, які дзейнічаў у 1892–1928 гадах.

1933 — у Бэрліне студэнты нацыянал-сацыялісты пачалі паліць кнігі. Гэта паклала пачатак спальваньню кніг, непажаданых з гледзішча нацысцкага рэжыму.

1940 — Уінстан Чэрчыль стаў прэм’ер-міністрам Вялікай Брытаніі.

У гэты дзень нарадзіліся

1797 — Дамінік Стэфановіч, музыка, настаўнік Станіслава Манюшкі.

1931 — Сьцяпан Гаўрусёў, беларускі паэт.

1942 — Сяргей Панізьнік, беларускі паэт, перакладчык і публіцыст.

У памяці

1805 — Фрыдрых Шылер, нямецкі паэт, філёзаф, гісторык і драматург, прадстаўнік рамантычнага кірунку ў літаратуры.

1829 — Томас Юнг, ангельскі фізык, лекар, астраном і ўсходазнавец, адзін са стваральнікаў хвалевай тэорыі сьвятла.

1984 — Антон Васілеўскі, беларускі пісьменьнік, выдавец сатырычнага часопіса «Авадзень».

1940 — Станіслаў Булак-Балаховіч, беларускі вайсковы дзяяч і палітык. Загінуў пры спробе захопу гестапаўцамі ў Варшаве. У свой час камандаваў Асобным аддзелам БНР у Балтыі. Захапіўшы са сваімі аддзеламі Мазыр, Булак-Балаховіч абвясьціў там незалежнасьць БНР.